Gaur soinuaren kontzientziazioaren nazioarteko eguna da. Bai, kontuartzen zarete denetarako nazioarteko egunak daudela, beno, denak ez: noizko patata frijituen nazioarteko egun bat? Beno, soinuek eragiten duten kalteak kontuan hartzekoak. Irratirako gai polita iruditzen zait, eta gaur soinu desatseginei buruz hitz egingo dut.

Udaberri bete-betean gaude eta guri odola aztoratzen zaigu, baina animaliei ere bai, ez pentsa! Animali emeek badituzte izen berezi batzuk euskaraz “bero” daudela adierazteko: arreske, argose, umeske, adibidez. Eta zuetako batzuk nik galdetu nuen bezala esango duzue: eta animalia arrentzako ez al dago hitzik? Ba ez, beti prest daudelako izango ote da?

Zuetako asko oporretan egongo zarete, eta oporretan zerbait egiten baldin baduzu, hori jan eta edatea da. Zenbat taberna eta txiringitotan hartuko zenuten kaña fresko bat? Garagardoa gehien edaten den edarietako bat da.  Ba hain zuzen ere gaur garagardoari buruz hitz egitera nator.

Pasa den astean udaberriak odola aztoratzen digula aipatu genuen, baita haserrealdietarako ere. Gaur gauzak goxatu egingo ditugu, bihar oporrak izango ditugulako eta besarkadez hitz egingo dut. Izan ere, mota desberdinak daude. Gainera, besarkadak ematea gure osasunerako oso ona da, denetarako balio dute eta: arteria presioa jaisteko, estresa saihesteko, autoestimua igotzeko, zelulak gaztetu egiten ditu! Tarte honek bezala, alegia!

Bihar martxoak 8 da eta planto egiteko eguna izango da, eta beraz gaur, egunerokoan dauden gauza txiki eta ikusezin horietaz hitz egingo dut, desberdintasunak mantentzen dituztenak.